Лениногорскида авыл хуҗалыгы ярминкәсе узды
Лениногорскның үзәк мәйданында зур авыл хуҗалыгы ярминкәсе оештырылды, анда безнең районнан гына түгел, республиканың якын шәһәрләреннән дә фермерлар катнашты. Чара «Кече һәм урта эшмәкәрлек» һәм «хезмәт җитештерүчәнлеге» федераль проектлары буенча «нәтиҗәле һәм конкурентлы икътисад»милли проекты буенча гамәлгә ашырылды.
Шәһәр халкы ит продукциясе һәм өй казылыгы, яшелчә һәм җиләк-җимеш, бал, сөт продукциясе (каймак, эремчек, сыр), йомырка, кулдан бәйләнгән уңайлы әйберләр сатып ала алды.
Ярминкәдә сатуга 1,5 тоннадан артык сыер ите, 500 килограмм ат ите, 300 килограммнан артык сарык ите, 2,5 тоннадан артык кош ите (шуның 1,5 тоннасы – «Лениногорск кошчылык фабрикасы» ҖЧҖ күркәсе), бал – 2 тоннадан артык, сөт продукциясе – 1 тоннадан артык, ит деликатеслары – 800 килограммга якын, балык һәм диңгез продуктлары — 500 килограммнан артык, яшелчә һәм җиләк – җимешләр – 25 тоннадан артык.
Ярминкә-җитештерүчеләрдән иң яңа һәм тәмле продуктлар сатып алу мөмкинлеге генә түгел, ә җирле авыл хуҗалыгына да ярдәм итү мөмкинлеге дә ул.
Фото: ЛМР матбугат хезмәте