Студент яшьләргә кредитлар һәм финанслар турында нәрсәләр белү мөһим

Мәгълүмати-аңлату эшен уздыру кысаларында 2025 елның 29 сентябрендә Роспотребнадзорның Татарстан Республикасы буенча идарәсенең Әлмәт территориаль бүлеге белгече Л.В. Морадымова Татарстан Республикасы Дәүләт Алкольголь инспециясенең Әлмәт территориаль органы белгече Н.В. Платонова белән берлектә видеоконференция режимында «Лениногорск политехник көллият» финанс грамоталыгына багышланган чара үткәрде.

Чара студент яшьләр арасында финанс белеме дәрәҗәсен күтәрү максатыннан үткәрелде.  

Күзәтчелек ведомстволары хезмәткәрләре студентларга төрле товарлар һәм хезмәтләр сатып алганда кредит килешүләре төзү процедурасы турында сөйләделәр. Аларга игътибар итәргә кирәк булган төп нечкәлекләрне, аерым алганда кулланучылар кредиты бирү турындагы гаризаның эчтәлеген, финанс бирү шартларын һәм тәртибен яктырттылар, шулай ук иминиятләштерү хезмәтләрен күрсәтү һәм аны ирекле рәвештә өзү шартнамәсен төзегәндә кулланучылар хокукларын яклау турындагы законнарның төп таләпләре яңгырады.  

Л.В. Морадымова җыелучыларга займ килешүләре төзегәндә микрофинанс һәм банк оешмалары вәкилләре һәм коллекторлык агентлыклары хезмәткәрләре белән хезмәттәшлек турында сөйләде. 

Н.В. Платонова студентларны банкның куркынычсызлык хезмәте хезмәткәрләре һәм банк картасының пин-кодын, банк счетын яки түләү картасы счетын хәбәр итүләрен сорап телефон аша мөрәҗәгать итүче таныш булмаган затлар белән аралашканда уяулык сакларга кирәклеге турында кисәтте.         

Семинарда катнашучылар күзәтчелек ведомстволары белгечләренә кызыклы мәгълүмат һәм кызыксындырган сорауларга җаваплары өчен рәхмәт белдерделәр.