Лениногорскида пробация турындагы законны гамәлгә ашыру мәсьәләләре турында фикер алыштылар
Лениногорск мэриясенең утырышлар залында «Лениногорск муниципаль районы» муниципаль берәмлеге Башкарма комитеты җитәкчесенең социаль мәсьәләләр буенча урынбасары Гөлнара Вагизова рәислегендә «Россия Федерациясендә пробация турында»Федераль закон нигезләмәләрен гамәлгә ашыру мәсьәләләре буенча муниципаль ведомствоара комиссия утырышы узды.
Утырыш шәһәрнең төрле социаль өлкәләре вәкилләрен җәлеп итеп, яңартылган составта узды, бу пробация мәсьәләләрен комплекслы карарга мөмкинлек бирде.
Комиссиядә катнашучыларга сәламләү сүзе белән Лениногорск шәһәре җинаять-башкарма инспекциясенең пробация төркеме өлкән инспекторы Альфред Насыйров мөрәҗәгать итте. Инспекция хезмәткәрләре билгеләп үткәнчә, хөкем ителгәннәргә социаль адаптациядә ярдәм күрсәтү буенча өзлексез эш алып барыла, ярдәмнең төрле төрләре буенча төрле чаралар үткәрелә.
Киңәшмә барышында пробация турындагы законны гамәлгә ашыру өлкәсендәге уртак эшкә йомгак ясалды. Утырышта катнашучылар хөкем ителгәннәргә ярдәм күрсәтү барышында барлыкка килә торган проблемалы мәсьәләләр буенча фикер алыштылар, шулай ук махсус хәрби операциядә катнашучыларга һәм аларның гаилә әгъзаларына ярдәм чараларын карадылар.
"Комиссия әгъзалары арасындагы хезмәттәшлек пробация турындагы законны гамәлгә ашыруда уңышның мөһим өлеше булып тора", - дип ассызыклады өлкән инспектор Альфред Насыйров.
Киңәшмә йомгаклары буенча комиссия әгъзалары 2025 елның алдагы чорына гражданнарны социаль адаптацияләү эшенең нәтиҗәлелеген арттыруга юнәлдерелгән өстенлекле бурычлар һәм конкрет чаралар билгеләделәр.