Территорияне, бинаны карап тоту һәм электрүткәргечләрне төзек хәлдә тоту буенча тәкъдимнәр һәм кагыйдәләр
30 августта Зәй-Каратай авылында янгын чыккан-сарай янып беткән. Һәлак булучылар һәм җәрәхәтләнүчеләр юк. Беренчел сәбәп – тәмәке тартканда саксызлык. 2025 елның 31 августында кич белән Лениногорск районының Иске Куак авылында торак йортта янгын чыккан. Кызганычка каршы, янгын нәтиҗәләре фаҗигале – хатын-кыз һәлак булган. Хәзерге вакытта булган хәлнең шартлары ачыклана.
Халык белән профилактик эш алып барылуга карамастан, шәхси торак йортларда, дача йортларында, сарайларда янгын чыгу очраклары сирәк түгел.
Россия гадәттән тыш хәлләр министрлыгының Татарстан Республикасы буенча УНД һәм ПР Баш идарәсенең Лениногорск муниципаль районы буенча күзәтчелек эшчәнлеге һәм профилактика эшләре бүлеге шәхси биләмәләр милекчеләренә янгын чыгуның төп сәбәпләре булып электрүткәргечләрнең авария хәлендәге эш режимы (кыска ялгану), ут белән саксыз эш итү (тәмәке тарту һәм башкалар), мич, газ һәм электр җиһазларын дөрес файдаланмау булуын искәртә. Шуңа күрә гражданнарның тормышына һәм сәламәтлегенә куркыныч тудырырга мөмкин булган иң куркыныч янгыннар күзәтелә.
Гражданнарга территорияне, бинаны карап тоту һәм электрүткәргечләрне төзек хәлдә тоту буенча билгеле бер кагыйдәләрне үтәргә киңәш ителә. Аларның төпләре: участоклар территориясе янучан калдыклардан, чүп-чардан, савытлардан, коры үләннән, коелган яфраклардан һ.б. вакытында чистартылырга тиеш, аларны махсус билгеләнгән мәйданчыкларда контейнерларга яки әрҗәләргә җыярга, аннары чыгарырга кирәк. Янгын сүндерү өчен файдаланыла торган юллар, подъездлар, йортларга һәм су чыганакларына керү юллары һәрвакыт буш булырга тиеш.
Электр челтәрләрен һәм электр приборларын эксплуатацияләгәндә түбәндәгеләр тыела: изоляциясе зарарланган электрүткәргечләрдән һәм шнурлардан файдалану; кулдан ясалган җылыту электр приборларыннан файдалану; электр челтәрләрен саклау өчен кулдан ясалган саклагычлардан (тимер чыбык, кадак бораулау һ.б.) файдалану; электр челтәренә бер үк вакытта зур куәттәге берничә электр приборын кертүне рөхсәт итү.
Янгын куркынычсызлыгы кагыйдәләрен үтәгез! Янгынны ачыклаган очракта кичекмәстән бу хакта «101», яки «112»телефоннары буенча хәбәр итегез.
ТР ЛМР буенча күзәтчелек эшчәнлеге һәм профилактика эше бүлеге