Лениногорскида «Волонтер» ирекле үзәге волонтерлары хайваннар өчен приютта булдылар
Лениногорск районының «Исток-Башлангыч» халыкка социаль хезмәт күрсәтү комплекслы үзәге белгечләре тарафыннан «Волонтер» ирекле үзәге эшен гамәлгә ашыру кысаларында «Тугры дус»хайваннар приютына экскурсия оештырылды.
Чараның максаты-йортсыз хайваннарга карата шәфкатьлелек, җаваплылык һәм кызгану хисе тәрбияләү. Вольерларда балалар төрле токымлы этләрне, шулай ук катлаулы язмышлы үзенчәлекле хайваннарны, мәсәлән, өч аяклы инвалид этләрне күрделәр.
Яшүсмерләр һәр хайванны приют хезмәткәрләреннән коткару тарихын кызыксынып тыңладылар. Алар дөрес карауның мөһимлеге һәм йорт хайваннарына җаваплы мөнәсәбәт кирәклеге турында белделәр.
Балалар дүрт аяклы хайваннар белән аралаштылар, алар белән йөрделәр һәм үзләре белән алып килгән тәм-томнар белән сыйладылар.
Бу очрашу яшь волонтерларның йөрәкләрендә тирән эмоциональ тәэсир калдырды. Экскурсия тәмамлангач, аларның күбесе приютка даими нигездә ярдәм итәргә теләк белдерде.