Лениногорскида "Триколор " акциясе узды

2025 елның 22 августы, җомга

22 августта Лениногорск районының «Исток – Башлангыч» комплекслы үзәге белгечләре тарафыннан балигъ булмаганнар өчен Россиядә Дәүләт флагы көнен бәйрәм итүгә багышланган «Триколор» акциясе оештырылды.

Чараның максаты-ватанпәрвәрлек тәрбияләү, үз илең өчен горурлык хисен ныгыту һәм аның символларына хөрмәт күрсәтү.

Катнашучылар Ватан өчен мәхәббәт һәм горурлык чагылышы булган открыткалар әзерләделәр. Шәһәр халкына кулдан эшләнгән әйберләрне тапшыру акциянең мөһим өлеше булды. Шәһәрлеләр, инициативаны хуплап, рәхмәт белдерделәр.

Чара социаль хезмәтләр алучы балигъ булмаган балаларның актив гражданлык позициясен формалаштыруга ярдәм итә.