Лениногорскида хәтер көненә багышланган тарихи сәгать үткәрделәр
Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагогы Оксана Лямова 1914-1918 еллардагы Беренче бөтендөнья сугышында һәлак булган Россия сугышчыларын искә алу көненә багышланган тарихи сәгать үткәрде.
Чараның максаты-үз илебез өчен горурлык хисе һәм аның тарихына хөрмәт тәрбияләү.
Очрашу барышында социаль педагог катнашучыларны әлеге вакыйганың тарихы белән таныштырды. Бу дата-1914-1918 елларда Ватан өчен көрәшкән тугыз миллионнан артык россияленең батырлыгына һәм фидакарьлегенә хөрмәт күрсәтү. Презентацияне карау барышында катнашучылар сугыш башлануның сәбәпләре, аның нәтиҗәләре турында белделәр.
Бу сугышта беренче мәртәбә танклар, химик корал, противогаз, зенит һәм танкка каршы туплар, утлы корал кулланылды. Беренче бөтендөнья сугышы кешелек өчен конфликтның җимергеч нәтиҗәләрен һәм бәхәсләрне тыныч юл белән хәл итү кирәклеген күрсәткән сабак булды.
Әлеге чара ата-бабаларыбызның сугыш елларында күрсәткән батырлыкларын искә төшереп торды.