"Исток-Башлангыч" халыкка социаль хезмәт күрсәтү үзәгендә гаиләләргә дәүләт ярдәме мәсьәләләре буенча мәгълүмати-агарту чарасы уздырдылар
Гаилә мәнфәгатьләрен яклау мәсьәләләре буенча Бөтенроссия хокукый ярдәм атналыгы кысаларында Лениногорск районындагы «Исток - Башлангыч» халыкка социаль хезмәт күрсәтү комплекслы үзәгенең социаль эш буенча белгече Вахитова Алсу Лениногорск районындагы социаль яклау бүлеге белгече Захарова Ирина белән берлектә инвалид балалар тәрбияләүче гаиләләргә дәүләт ярдәме мәсьәләләре буенча мәгълүмати-агарту чарасы үткәрделәр.
Очрашуда әлеге категория гаиләләргә дәүләттән ярдәм итүнең гамәлдәге формалары җентекләп каралды. Белгеч дәвалану, тернәкләндерү чыгымнарын каплау өчен билгеләнгән акчалата түләүләр турында сөйләде.
Ата - аналарны «Исток Башлангыч» үзәге белгечләре тарафыннан гамәлгә ашырыла торган ОВЗ белән авыручы балалар өчен программалар белән таныштырдылар.
Балаларының сәламәтлеге начар булу сәбәпле, чарада шәхсән катнаша алмаган ата-аналар әлеге мәгълүматны телефон консультациясе аша алдылар. Чарада катнашучыларның барысына да буклетта күрсәтелгән контакт мәгълүматыннан файдаланып, хокукларны яклау өлкәсендә кызыксындырган сорауларга җавап алырга мөмкинлек бирә торган «Инвалидларга ярдәмгә» дигән мәгълүмат буклетлары таратылды.