Лениногорскида юл хәрәкәте иминлеге буенча акция үткәрделәр
«Биеклек» Яшьләр үзәгендә «Форпост» үзәге һәм «ЮХИДИ» ДБУ тарафыннан юл хәрәкәте иминлеге буенча «мөһим нәрсәне исеңдә тот!» акциясе үткәрелде.
Лениногорск шәһәренең Яшьләр үзәгендә Доброүзәк ачылу шәһәр халкы өчен шатлыклы вакыйга гына түгел, ә юл хәрәкәте иминлеге буенча мөһим акция уздыру өчен менә дигән мәйданчык та булды.
«Форпост» үзәге һәм «Юл хәрәкәте иминлеге» ДБУ оештырган чара кысаларында мәгълүмати кампания үткәрелде, ул юл хәрәкәте кагыйдәләрен үтәү һәм шәһәр юлларында куркынычсызлыкны арттыру зарурлыгын искәртүгә юнәлдерелгән иде.
«Форпост» активистлары һәм Эльвира Кирдянова җәяүлеләр өчен дә, велосипедчылар өчен дә юлларда үз-үзеңне куркынычсыз тотуның төп кагыйдәләрен үз эченә алган мәгълүмати буклетлар тараттылар. Буклетлардан тыш, акциядә катнашучы һәркем яктылыкны кире кайтара торган элементлар алды.