Көнкүрештә электр приборларыннан файдаланганда янгын куркынычсызлыгы таләпләре
Хәзер җәй булуга карамастан, урамда сизелерлек салкынайды, яңгырлар ешайды, дымлылык артты.
Җәйге чорда җылыту системасы сүнгәнлектән, шәһәр халкы җылынырга теләп, өстәмә җылылык чыганакларын – электр җылыткычларын актив куллана башларга мөмкин. Практика күрсәткәнчә, нәкъ менә салкын көннәрдә көнкүреш электр җылыту приборларын эксплуатацияләгәндә янгын куркынычсызлыгы таләпләрен бозу белән бәйле янгыннар ешрак була.
Йортларны һәм фатирларны җылыту өчен еш кына заводта эшләнмәгән җылыткычлар кулланалар, алар торакны саклау өчен генә түгел, ә кешеләр тормышы өчен дә җитди куркыныч тудыра.
Җылыткыч салкын һава торышыннан коткарып калсын һәм шул ук вакытта янгын чыгуга сәбәп булмасын өчен, Россия гадәттән тыш хәлләр министрлыгының Татарстан Республикасы буенча УНД һәм ПР Баш идарәсенең Лениногорск муниципаль районы буенча күзәтчелек эшчәнлеге һәм профилактика эшләре бүлеге халыкка электр җылыткычлардан файдаланганда янгын куркынычсызлыгының төп таләпләрен искә төшерә:
- һәр приборның үз эксплуатация срогы бар; билгеләнгән эксплуатация срогыннан артыграк файдалану кайгылы нәтиҗәләргә китерергә мөмкин;
- электрүткәргечнең, розеткаларның, щитларның һәм җылыткыч чәнечкеләренең төзеклеген системалы рәвештә тикшерегез;
- җылыту приборының торышын күзәтегез;
- промышленность ысулы белән генә эшләнгән приборларны кулланыгыз.
- зарарланган яки кулдан ясалган электр җылыткычларын кулланмагыз;
- җылыткычларны кабызганда озынайткычларны кулланмаска тырышыгыз;
- берьюлы берничә көчле электр энергиясен кулланучы кушылган очракта, электр челтәренең артык йөкләнешеннән сакланыгыз;
- электр җылыткычларны төнгә кабызып калдырмагыз, аларны киптерү өчен кулланмагыз;
-җылыткычны күзәтүсез калдырмагыз;
- өйдән (фатирдан) чыгып киткәндә, электр приборын электр челтәреннән өзегез;
- балаларга электр җылыткычлары белән уйнарга рөхсәт итмәгез;
- җылыткычны даими рәвештә тузаннан чистартыгыз-ул да кабынырга мөмкин;
- электр вилкалары һәм розеткалар җылынмасын өчен күзәтеп торыгыз, бу электр приборының төзек булмавының яисә челтәрнең артык йөкләнешенең беренче билгесе;
- җылыткычтан чыбыкны келәмнәр астыннан һәм ишек бусагалары аша үткәрмәгез, бу аның ышкылуына китерергә мөмкин.
Әлеге типтагы электр приборлары белән сак эш итү өчен нинди кагыйдәләрне үтәргә кирәклеген белү өчен, инструкцияне игътибар белән укырга кирәк.
Янгын куркынычсызлыгы таләпләрен үтәгез! Янгынны ачыклаганда, бу хакта «101», яки «112» телефоннары буенча хәбәр итегез.
ТР ЛМР буенча күзәтчелек эшчәнлеге һәм профилактика эше бүлеге