Лениногорскида Яшьләр көнен зурлап билгеләп үттеләр
28 июньдә Лениногорскида Яшьләр көненә һәм чыгарылыш көненә багышланган зур бәйрәм чаралары узды. Чара «Гаилә»илкүләм проекты, «Гаилә кыйммәтләре һәм мәдәният инфраструктурасы»федераль проекты кысаларында гамәлгә ашырылды.
Лениногорск муниципаль районында 14 яшьтән 35 яшькә кадәрге 19 меңнән артык яшь кеше яши. Нәкъ менә алар өчен үсешкә, иҗатка һәм спортка юнәлдерелгән төрле проектлар оештырылган.
Яшьләрне бәйрәм белән Лениногорск муниципаль районы Башкарма комитеты җитәкчесе Марат Гирфанов котлады.
Марат Нилевич шулай ук Татарстан Республикасы Яшьләр эшләре министрлыгының Мактау грамоталарын һәм Рәхмәт хатларын тапшырды.
Бәйрәм программасы бай булды: робот техникасы, маскировка челтәрләре үрү, фото-һәм видеога төшерү буенча мастер - класслар, исемле беләзекләр, хуш исле шәмнәр ясау буенча иҗади мәйданчыклар, спорт чаралары – ГТО нормаларын тапшыру, шахмат турниры, лениногорскилыларның уңышларына багышланган «яшьләр йөзләрдә» фотокүргәзмәсе оештырылган иде
Бәйрәм «Австралия» һәм «MINGAZOV» кавер-төркемнәренең матур чыгышлары белән тәмамланды. Ә DJ Джим тамашачыларны энергияле музыка белән тулыландырды.
Лениногорскида Яшьләр көне районның киләчәген яхшы якка үзгәртергә әзер булган актив, талантлы һәм максатчан яшьләр яшәвен кабат раслады.
Фото: ЛМР матбугат хезмәте