Лениногорскилы Максим Бондаренко-Татарстанның яшь инвесторы
Максим Бондаренко Татарстан Республикасының инвестицион үсеш агентлыгына махсус Яшьләр көненә интервью бирде.
Утыз дүрт яшьлек эшмәкәрнең төп эшчәнлек өлкәсе-нефть һәм газ үткәргечләрен урнаштыру, монтажлау.
"Күптән түгел Лениногорсида «Бархат»рестораны ачтым. Районда охшаш урыннар аз, шуңа күрә ресторан туристлар агымын арттыру максатыннан ачылган. Шулай ук башка инвестицион проект - спа-отель өстендә дә эшлим»,- диде Максим.
Үзенең тормыш юлын ул эшче буларак 2011 елдан башлап җибәрә. Башта бетончы булып эшли, соңрак — монтажчы, аннары карьера баскычыннан күтәрелүләр була.2016 елда Б.Г. Тимирясов исемендәге КИУны тәмамлалый. ТР Лениногорск районының Яңа Чыршылы авыл җирлеге Советы депутаты булып тора.
"Чынлыкта, мин үземне чыннан да уңышлы дип әйтмәс идем. Әмма минем өчен уңыш-мин әти-әниемне һәм гаиләмне тәэмин итә алам, алар муллыкта яшәсеннәр һәм бернәрсәгә дә мохтаҗ булмасыннар өчен. Мин бай гаиләдә үсмәдем һәм чикләүләрдә яшәү нәрсә икәнен беләм. Шуңа күрә хәзер гаиләмә ярдәм итә алуыма, аларның сәламәт булуларына һәм алар белән барысы да яхшы булуына бик шатмын», - ди ул.
Максим шулай ук якындагы планнары белән уртаклашты - бу Лениногорскида "Royal" спа-отелен төзү буенча инвестицион проект.
"Ул шәһәргә туризм өлкәсен үстерергә ярдәм итәчәк. Хәзерге вакытта шәһәр ял итүчеләр өчен тарту ноктасына әверелә. Тумышы белән шушы районнан булган эре инвесторлар туган якларына кайта, туганнары кайта. Шуңа күрә без команда белән спа, массаж, бассейнны үз эченә алган комплекслы ял үзәге төзергә булдык. Тулаем алганда, проект масштаблы булыр дип көтелә, һәм барысы да яхшы килеп чыгар дип уйлыйм", - диде ул.
https://vk.com/@investtatarstan-intervu-s-molodym-investorom-tatarstana