Лениногорск ЗАГСында гаилә белеме дәресе үткәрелде
Никахлашу Сараенда 7 нче урта мәктәп лагеренда укучылар өчен «Гаилә белеме»дәресе үткәрелде.
ЗАГС хезмәткәрләре башта балаларга үзләренең эш кабинетларын, 100 ел саклана торган архив - документларын күрсәттеләр, эш көннәрендә нәрсә белән шөгыльләнүләре турында сөйләделәр, Никахлашу сарае буйлап экскурсия үткәрделәр. Балалар никахлашу, исем кушу тантаналары, фестивальләр һәм башка бәйрәм чараларының ничек узуы белән кызыксынып таныштылар.
Шулай ук балалар өчен «Гаилә белеме»дәресе дә үткәрелде. ГХАТ бүлеге хезмәткәрләре сөйләвенчә, нәкъ менә монда яңа бәхетле гаилә берлекләре төзелә, Россиядә яңа гражданнарның тууын дәүләт теркәве үткәрелә. Бары тик ЗАГС органында гына кеше үзенең гомерендә беренче документын – туу турында таныклыгын ала, анда аның фамилиясе, исеме һәм атасының исеме, туган көне, шулай ук әнисе һәм әтисенең фамилиясе, исеме һәм атасының исеме язылган. Балалар сораулар бирделәр, гаилә турында табышмакларга җаваплар бирделәр, гаилә традицияләре белән уртаклаштылар.
Без балаларга безнең никахлашу сараена килгәннәре өчен рәхмәт белдерәбез. Каникулларны файдалы итеп үткәрергә телибез: ял итәргә, күңел ачарга, яраткан эшләрең белән шөгыльләнергә, дусларың һәм гаиләң белән вакыт уздырырга. Бу каникуллар сезнең өчен яңа тәэсирләр һәм уңай хис-кичерешләр чыганагы булсын.