Урман һәм табигый янгыннарны кисәтүгә юнәлдерелгән янгын куркынычсызлыгы чаралары
Янгын куркынычы булган чорда (сезон) -эссе җәйдә торак пунктларның янгын куркынычсызлыгын тәэмин итүнең төп таләпләре булып сакалау, урман һәм дала кишәрлекләре чигендә торак пунктлар чикләре тирәли янгынга каршы минераллаштырылган полоса салу, печән чабу, чистарту, башка янгынга каршы барьер тора.
Янгыннар төрле сәбәпләр аркасында килеп чыгарга мөмкин, һәм әгәр алдан ук утның зур тизлек белән таралуына комачауларга сәләтле чаралар тәэмин ителмәсә, нәтиҗәләре күңелсез булырга мөмкин. Янгын таралмасын өчен югарыда күрсәтелгән чараларны үткәрергә кирәк.
Янгынга каршы саклагыч полоса, авыл хуҗалыгы җирләре, торак пунктлар тирәсендә, урман массивлары, кырлар, дала чикләрендә утның җир өслегендә таралуыннан киртә тудыра.
Лениногорск муниципаль районы территориясендә урман янгыннары куркынычы янаган берничә объект бар.
Объект җитәкчеләре урман һәм дала кишәрлекләре чигендә торак пунктлар чикләре тирәсендәге җирләрне сөрү, минераллаштырылган полосаларны төзекләндерү, чистарту, печән чабу эшләрен башкарырга тиеш.
Сөрү өчен махсус техника - сабан һәм фрезалар белән җиһазланган бульдозерлар һәм тракторлар кулланыла. Аерым агачлар һәм куаклар үскән территориядә алар киселергә тиеш.
Башка куркынычсызлык чарасы булып халыкның урманнарга баруын чикләү тора.
Халык бу чараларның дәүләт һәм гражданнарның гомерен, мөлкәтен саклап калырга ярдәм итәчәген аңларга тиеш.
Янгын куркынычсызлыгы кагыйдәләрен үтәгез! Янгынны ачыклаганда, кичекмәстән бу хакта «101», яки «112»телефоннары буенча хәбәр итегез.
ТР ЛМР буенча күзәтчелек эшчәнлеге һәм профилактика эше бүлеге