Лениногорскта балалар өчен ишегалды уеннары үткәрелә
Җәйге каникуллар вакытында Лениногорск районының «Исток-Башлангыч» халыкка социаль хезмәт күрсәтү үзәге белгечләре патронацияләү участокларында «Ишегалды уеннары, шәхесне үз-үзен оештыру чарасы буларак»технологиясен кулланып, дәресләр үткәрәләр.
Популяр уеннар физик күнекмәләрне һәм аралашу сәләтен үстерергә ярдәм итә. Педагоглар уен кагыйдәләрен балаларның яшь үзенчәлекләрен исәпкә алып җайлаштыралар. Мондый уеннар балаларның игътибарын гаджетлардан читкә юнәлтергә ярдәм итә, сәламәтлекләрен ныгыта һәм дуслык атмосферасы тудыра.
Җаваплылык һәм үзара ярдәмләшү хисе үстерүче команда уеннарына аерым игътибар бирелә. Даими уен дәресләре балаларның эмоциональ халәтен яхшыртуга һәм социализацияләүгә ярдәм итә.
Ишегалды уеннары ярдәмендә балалар аралашырга, килешергә һәм уртак җиңүләргә сөенергә өйрәнә.