Янгынсыз ял
Җәйге каникуллар чоры бара. Бу сезонда балалар һәм яшүсмерләр озак вакыт караусыз калачак. Янгын куркынычсызлыгы таләпләре балалар өчен аеруча мөһим. Каникулларда элементар кагыйдәләрне үтәү ял итүне күңелсезләндермәскә, ә ата - аналарга-үз балаларын максималь куркынычсыз итәргә ярдәм итәчәк.
Кеше көнкүрешендә балачактан ук бик күп электр көнкүреш техникасы бар, шуңа күрә балалар өчен янгын куркынычсызлыгы турыдан-туры электр приборлары белән бәйле. Балаларны челтәргә куелган электр приборларының үзендә куркыныч яшерүенә, дөрес кулланылмаса, көнкүреш техникасы еш кына янгынга сәбәп була башлавына әзерләргә кирәк. Өйдә төзек электр приборлары гына кулланылсын, ә үткәргечләрнең изоляциясе зыян күрмәсен өчен игътибар белән тикшерегез.
Балаларга җәйге яшен һәм көчле җил белән бергә яңгырлар вакытында еш очрый торган электр чыбыкларының өзелү куркынычы турында сөйләү дә мөһим. Электр тогы белән зарарланмас өчен, мондый чыбыкларга кул белән кагылырга гына түгел, хәтта аларга якын да килергә ярамый, бигрәк тә тирә-ягы дымлы булса. Чыбыклар өзелү очраклары турында кичекмәстән олыларга хәбәр итәргә кирәк!
Тирәк мамыгына һәм коры үләнгә ут төртү куркынычын аңлатыгыз, утның коры-сары һәм мамык өстенә шундук таралуын, моңа эссе җәй көне, шулай ук җилле һава торышы ярдәм итүен исегезгә төшерегез. Еш кына балаларның төзелешләрдә, начар саклана торган объектларда, урманда учак ягуын күрергә була, бу кайгылы нәтиҗәләргә китерергә мөмкин. Гаиләгезгә бәла-каза килмәсен өчен бик аз кирәк: балаларыгыз белән ешрак профилактик әңгәмәләр үткәрергә, ут белән шаяруның нәрсәгә китерәчәген аңлатырга кирәк.
Янгыннарны һәм кешеләрнең үлемен профилактикалауның иң нәтиҗәле төрләренең берсе булып бинадагы төтенгә җавап бирә торган автоном янгын хәбәрчеләрен урнаштыру тора. Хәбәрченең тавышы һәм ешлыгы шундый ки, ул хәтта каты йоклап яткан кешене дә уятырга сәләтле. Бу йортта яшәүчеләргә янгын турында вакытында белергә һәм өйдән чыгарга мөмкинлек бирә. Янгын хәбәрчеләрен эксплуатацияләү кагыйдәләре шактый гади, ә аларның бәясе хәтта иң зур булмаган янгыннан югалтуларга караганда да үлчәп булмаслык дәрәҗәдә түбән. Мондый приборны үз торагыңа урнаштырып, милекне генә түгел, тормышыңны да сакларга мөмкин.
Баланың үз адресын белүенә инаныгыз.
Кәгазь битенә барлык кирәкле ашыгыч ярдәм телефоннарын язып куегыз һәм күренеп тора торган урынга урнаштырыгыз, анда беренче коткару телефоннары - «101» һәм «112»язылырга тиеш.
ТР ЛМР буенча күзәтчелек эшчәнлеге һәм профилактика эше бүлеге