Лениногорск муниципаль районында үзйөрешле машиналарны һәм тагылмаларны эксплуатацияләү буенча профилактика чаралары
Лениногорск районында үзйөрешле машиналарны һәм башка төр техниканы эксплуатацияләү өлкәсендә хокук бозуларны булдырмау буенча профилактик чаралар уза.
Әлеге чарада Татарстан Республикасы Дәүләт техника күзәтчелегенең Лениногорск муниципаль районы буенча бүлеге башлыгы Илнур Галимов һәм Росиия Эчке эшләр министрлыгының Лениногорск районы буенча ЮХИДИ бүлеге хезмәткәрләре катнаша.
Чаралар әлеге төр техник чаралар катнашында юл-транспорт һәлакәтләренә юл куймау һәм тракторчы-механизаторларның үзләрендә имгәнүләргә юл куймау максатларында техниканы эксплуатацияләгәндә хокук бозуларны булдырмауга юнәлдерелгән.
Техник документация, тракторчы таныклыгы булу, машиналарның һәм тагылмаларның Үзйөрешле машиналарның һәм башка төр техниканың техник торышына һәм аларны эксплуатацияләүгә таләпләргә туры килүе тикшерелергә тиеш: шиналарның һәм тәгәрмәчләрнең торышы, тышкы яктылык приборларының төзеклеге, янгын сүндерү чаралары, медицина аптечкалары, авария хәлендәге тукталыш билгеләре һәм башкалар белән тәэмин ителеше тикшерелә.
Агымдагы елның 18 һәм 20 августында Татарстан Республикасы Дәүләт техника күзәтчелегенең Лениногорск муниципаль районы буенча бүлеге башлыгы Илнур Галимов һәм Россия Эчке эшләр министрлыгының Лениногорск районы буенча ЮХИДИ бүлеге хезмәткәрләре катнашында уртак рейдлар үткәрелде. Рейдлар барышында 14 үзйөрешле машина һәм тагылма тикшерелгән, 2 хокук бозу очрагы ачыкланган, административ материаллар төзелгән, гаеплеләр җаваплылыкка тартылган.
Лениногорск шәһәре һәм Лениногорск муниципаль районы буенча Татарстан Республикасы Дәүләт техника күзәтчелегенең баш дәүләт инженер-инспекторы И. Н .Галимов