Янгынсыз җәй
Күптән көтелгән җәйге каникуллар вакыты җитте. Бу чорда балалар һәм яшүсмерләр озак вакыт караусыз калачак. Янгын куркынычсызлыгы таләпләре җәйге чорда балалар өчен аеруча мөһим. Каникулларда элементар кагыйдәләрне үтәү ял итүне күңелсезләндермәскә, ә ата - аналарга-үз балаларын максималь куркынычсыз итәргә ярдәм итәчәк.
Кеше көнкүрешендә бик күп электр көнкүреш техникасы бар, шуңа күрә балалар өчен янгын куркынычсызлыгы турыдан-туры электр приборлары белән бәйле. Балаларны челтәргә куелган электр приборларының үзендә куркыныч яшерүенә, дөрес кулланылмаса, көнкүреш техникасы еш кына янгынга сәбәп була башлавына әзерләргә кирәк.
Балаларга җәйге яшен һәм көчле җил белән бергә яңгырлар вакытында еш очрый торган электр чыбыкларының өзелү куркынычы турында сөйләү дә мөһим. Электр тогы белән зарарланмас өчен, мондый чыбыкларга кул белән кагылырга гына түгел, хәтта аларга якын да килергә ярамый, бигрәк тә тирә-як дымлы булса. Чыбыклар өзелү очраклары турында кичекмәстән олыларга хәбәр итәргә кирәк!
Тирәк мамыгына һәм коры үләнгә ут төртү куркынычын аңлатыгыз, утның коры-сары һәм мамык өстенә шундук таралуын, моңа эссе җәй көне, шулай ук җилле һава торышы ярдәм итүен исегезгә төшерегез. Еш кына балаларның төзелешләрдә, начар саклана торган объектларда, урманда учак ягуын күрергә була, бу кайгылы нәтиҗәләргә китерергә мөмкин. Гаиләгезгә бәла-каза килмәсен өчен бик аз кирәк: балаларыгыз белән ешрак профилактик әңгәмәләр үткәрергә, ут белән шаяруның нәрсәгә китерәчәген аңлатырга кирәк.
Янгынны кисәтү чаралары катлаулы түгел. Аларны истә калдырырга кирәк:
Шырпыларны балалар алу өчен мөмкин булмаган урыннарда саклыйлар;
Балаларга шырпы, кабызгычлар, тәмәке, пиротехника сатып алу тыела (бу, кагыйдә буларак, сәүдә челтәре хезмәткәрләренә карый);
Кечкенә балаларга электр җылыту приборларын, газ плитәләрен һ. б. кабызырга ярамый.
Баланың үз адресын белүенә инаныгыз.
Кәгазь битенә барлык кирәкле ашыгыч ярдәм телефоннарын язып куегыз һәм күренеп торучы урынга урнаштырыгыз, анда коткару телефоннары - «101» һәм «112»язылырга тиеш.
ТР ЛМР буенча күзәтчелек эшчәнлеге һәм профилактика эше бүлеге