Суда үз-үзеңне тоту кагыйдәләре
Эссе көннәр башлану белән сулыкларда ял итүчеләр саны артачак. Сулыкка барганда үз куркынычсызлыгың турында уйланырга кирәк, чөнки ел саен су объектларында су коену сезоны вакытында кешеләр белән бәхетсезлек очраклары еш була.
Кешеләр еш кына коенганда (бигрәк тә таныш булмаган урыннарда) суда төрле предметларга бәрелеп җәрәхәтләнәләр (тамырлар, ватылган пыяла, төрле металл әйберләр һ.б.), үз көчләрен артык бәяләгәнгә һәм артык еракка йөзгәнгә баталар һ. б. сулыкларда бәхетсезлек очраклары һәм вакыйгалар еш кына исерек хәлдә коену белән бәйле.
Шуңа күрә җәйге ялдан бары тик күңелле хатирәләр генә калсын өчен сулыкларда булганда куркынычсызлык кагыйдәләрен онытмаска кирәк:
Билгесез һәм бу максат өчен билгеләнмәгән сулыкларда коенудан тыелыгыз.
Ялгызыгыз гына коенмагыз.
Исерек килеш коенмагыз.
Төпнең рельефы билгесез булган урыннарга чуммагыз.
Коену өчен билгеләнгән урыннарның чикләү билгеләреннән йөзеп чыкмагыз, техник һәм кисәтү билгеләренә, буйкаларга һәм башка предметларга менмәгез.
Моторлы көймәләр янында йөзмәгез - бу куркыныч.
Иптәшләрегезне ярдан, вышкалардан, трамплиннардан суга этмәгез.
Балаларны су янында зләрен генә калдырмагыз.
ТР Гадәттән тыш хәлләр министрлыгының Лениногорск муниципаль районы буенча бүлеге