Лениногорск ветераннары – ТР ветераннар Советы Президиумының күчмә утырышында
Казанда Каюм Насыйри исемендәге 80нче мәктәптә мөһим чара – Татарстан Республикасы Ветераннар Советы Президиумының күчмә утырышы узды. «Яшьләргә рухи-әхлакый тәрбия бирүдә ветераннарның лектор төркемнәренең роле»темасына фикер алыштылар.
Лениногорск ветераннары Татарстан Республикасы ветераннарының төбәк иҗтимагый оешмасы рәисе Хәбир Газиз улы Иштиряков белән бергә хәзерге шартларда патриотик эшкә яңа алымнар турында фикер алыштылар.
Утырыш барышында К.Насыйриның скульптура композициясенә чәчәкләр салынды, Бөек Ватан сугышы елларында хәрби табиблар, шәфкать туташлары, укытучылар һәм мәктәп укучыларының батырлыгына багышланган барельеф ачылды. Безнең ветераннар да истәлекле композиция булдыруга үз өлешләрен керттеләр.
Күчмә утырышта катнашучылар тарихи хәтерне саклау, остазлык һәм буыннарны берләштерү буенча лектор төркемнәре эшен көчәйтергә кирәк дигән нәтиҗә ясадылар.
Без ветераннарыбыз белән горурланабыз! Аларның тәҗрибәсе һәм зирәклеге яшьләр һәм җәмгыятебез өчен бәһасез.