Лениногорскида гаиләнең җәмгыятьтәге роле турында дәрес үткәрелде
«Халыкара гаилә көне» н бәйрәм итү көнендә Татарстан Республикасы «Лениногорск муниципаль районы» муниципаль берәмлеге Башкарма комитетының ЗАГС бүлегендә 2 нче урта мәктәпнең 10 нчы сыйныф укучылары белән очрашу булды.
«Гаилә белеме» курсы кысаларында гаиләнең җәмгыятьтәге роле турында кызыклы дәрес үткәрелде. Нәкъ менә гаиләдә һәр кешенең шәхес нигезе, аннан соңгы буыннарның дәвамчанлыгы салына. Гаилә-ул социаль институт, анда бала табигать тарафыннан салынган потенциалын ача һәм тормышта үз урынын билгели, яхшылыкка, гаделлеккә һәм иҗадилыкка өйрәнә.
Иҗтимагый күренешләрнең алга таба да динамикалы үсеше һәр кешенең шәхес характеристикасына, аның иҗади процесска керткән өлешенә турыдан-туры бәйле. Барлык илләрнең дәүләт органнары гаилә мөнәсәбәтләрен тотрыклылык һәм иминлек гаранты буларак торгызуга аерым игътибар белән карыйлар.
ЗАГС хезмәткәрләре гражданлык хәле актларын теркәү органнары тарихы, демографик күрсәткечләр, шулай ук бүлекнең функцияләре турында сөйләделәр. Балалар биредә гражданлык хәле актларының нинди төрләре теркәлүен, никахлашу шартларының нинди булуын, архивның ничек формалашуын, аның күпме һәм кайда саклануын белделәр.
Очрашу әңгәмә рәвешендә узды, өлкән сыйныф укучылары тиешле сораулар бирделәр. Өлкән сыйныф укучылары белән сөйләшүдә гаиләгә, аның һәр кеше тормышында әһәмияте, традицион гаилә кыйммәтләрен саклауга аерым роль бирелде.