Автоном янгын турында хәбәр иткеч нәрсә ул һәм ул нигә кирәк?
Бер кеше дә янгыннан иминиятләштерелмәгән, шуңа күрә куркынычсызлык турында алдан уйлау мөһим.
Көнкүреш янгыннарын профилактикалауның бер юнәлеше - аларны иртә стадиядә ачыклау. Моның өчен махсус сигнал бирүче җайланмалар – автоном янгын турында хәбәр иткечләр ярдәм итә. Аларның төп максаты янгын чыгу турында хәбәр итү.
Янгын хәбәрчеләренең барлык модельләре дә бертөрле җайланмага ия. Алар датчиктан яки сизгер сенсордан, туклану элементыннан, яктылык датчигыннан һәм тавыш хәбәр итүеннән тора. Эшнең төп принцибы датчик эшчәнлегендә. Ул даими рәвештә бинада һава торышын анализлый. Аның корпусында һава хәрәкәт итә торган махсус датчик урнаштырылган. Эчтә төтен булганда тарала ала торган инфракызыл нурлар файдаланыла. Әгәр билгеләнгән нормалар арттырылса, шунда ук хәбәр итәчәк.
Автоном хәбәр иткечләр көнкүрештә янгын куркынычсызлыгын тәэмин итү өчен булдырылган. Аларның төп кулланылыш өлкәсе торак урыннар. Кечкенә балалары булган гаиләләр өчен баланы куркытмас өчен тавышны акрынлап арттыру функциясе булган җайланмалар бар.
Янган вакытта төтен өскә күтәрелә һәм түшәм янында җыела, ә аннары аска төшә. Шуңа күрә автоном янгын хәбәрчесен түшәмгә урнаштыру нәтиҗәлерәк, өстәвенә моны мөстәкыйль рәвештә эшләргә мөмкин. Конструкциянең нинди дә булса яшерен чыбыклары юк, шуңа күрә аларны коммуникация челтәрләре белән тоташтыру кирәкми, һәм өстәмә җиһазлар куллану таләп ителми.
Приборны гади батарея туендыра, ул бер елга җитәчәк. Әгәр заряд минималь күләмдә булса, һәм батареяны алыштырырга вакыт җиткән икән, хәбәрче яктылык индикаторы белән эшли башлый.
Үз торагыгызда датчик урнаштырып, сез милекне генә түгел, тормышыгызны да саклап калачагыгызга ышана аласыз.
Янгын куркынычсызлыгы кагыйдәләрен үтәгез! Янгынны ачыклау белән бу хакта «101», яки «112» телефоннары буенча шалтыратыгыз.
Вилданов Дамир Равил улы, ТР ЛМР буенча янгын күзәтчелеге һәм профилактика бүлеге башлыгы, эчке хезмәт подполковнигы