Лениногорск районының Тимәш авылында яңа истәлекле аллея барлыкка килде

2025 елның 28 апреле, дүшәмбе

Җиңүнең 80 еллыгына багышланган Хәтер бакчасы Бөтенроссия акциясе кысаларында Тимәш авылында яңа истәлек аллеясы барлыкка килде.  

Ромашкино РНУ хезмәткәрләре һәм авылның актив кешеләре яшь чыршылар утырттылар, аларның һәркайсы җиңүчеләр буынына рәхмәт символы булып тора.  
Агач утырту урынында, Ромашкино РНУ җитәкчелеге ярдәме белән, истәлек ташы  һәм мемориаль такта куелды. 

Чара Бөек Ватан сугышы геройлары истәлеген саклау максатыннан уздырылды. Утыртылган һәр агач яу кырларында һәм тылда Бөек Җиңүне якынайткан авыл халкының батырлыгына һәм ныклыгына хөрмәт күрсәтү булды. Утыртылган үсентеләр авылның бизәге генә түгел, дәһшәтле сугыш елларын, ата-бабаларыбызның тынычлык һәм азатлык өчен түләгән бәясен искә төшереп торачак.