Лениногорск социаль фонды командасы өлкә хезмәткәрләре арасында спартакиадада призлы урыннар яулады
«Нефтьче» спорт комплексында (Баулы шәһәре) Татарстанның көньяк-көнчыгыш зонасындагы сигез районнан Россия Социаль фонды командалары арасында ярышлар узды.
Бөек Ватан сугышында Җиңүнең 80 еллыгы уңаеннан спортчылар көч, җитезлек һәм команда рухы күрсәттеләр, җиңүчеләрнең традицияләре исән икәнен исбатладылар!
Спартакиаданы мәртәбәле кунаклар ачып җибәрде, алар катнашучыларга гадел көрәштә һәм якты җиңүләр теләде:
- Наил Сафиуллин, ТР буенча СФР бүлеге идарәчесе урынбасары;
- Баулы районында СФР клиентлар хезмәте җитәкчесе Станислав Тимофеев бердәмлекнең һәм үзара ярдәмләшүнең мөһимлеген ассызыклады;
- Баулы муниципаль районы башлыгы Ильяс Гозәиров спорт чараларының патриотик тәрбия бирүдә әһәмиятен билгеләп үтте.
Ярышлар дүрт дисциплинада узды: бадминтон, өстәл теннисы, волейбол, йөзү.
Ярышлар йомгаклары буенча мактау пьедесталы түбәндәгечә бүленде:
1 урын – Баулы шәһәре командасы, 2 урын-Лениногорск шәһәре командасы, 3 урын-Ютазы шәһәре командасы
Лениногорск командасы волейбол буенча – 3 урын, йөзү буенча – 3 урын, өстәл теннисы буенча – 2 урын алды.
Барлык катнашучыларны һәм оештыручыларны cпорт һәм патриотизм бәйрәме белән котлыйбыз! Киләсе стартларда яңа очрашуларга кадәр!