Татарстанда «Парклар маршы – 2025» Халыкара акциясенә старт бирелде
Татарстан Республикасында Россиянең аеруча саклана торган табигый территорияләренә ярдәм күрсәтүгә юнәлдерелгән «Парклар маршы – 2025» халыкара акциясе старт ала. Быел ул «Кече Ватаныбыз табигатен саклап калу һәм торгызу өчен!» девизы астында уза. Чара кысаларында ТР Биоресурслар буенча дәүләт комитеты үсеп килүче буынны «Минем кече Ватаным табигате» темасына «Тыюлык табигате дөньясы» балалар сәнгать иҗаты конкурсында һәм «Без дөньяны чистартабыз» экологик десантлар конкурсында катнашырга чакыра.
«Тыюлык табигате дөньясы»нда катнашучыларга Кече Ватан табигатен сурәтләргә, аның кыйммәтләре, аны саклау сәбәпләре һәм ысуллары турында уйланырга тәкъдим ителә. Ә экологик десантларга махсус сакланучы территорияләрне, парк һәм аллея территорияләрен, су объектларының яр буйларын, шулай ук башка табигый территорияләрне җыештыру һәм төзекләндерү, үсемлекләр һәм агачлар утырту, шулай ук ясалма оялар ясау һәм урнаштыру турында мәгълүмат бирергә кирәк.
Эшләр 23 апрельдән 27 июньгә кадәр кабул ителәчәк. Конкурслар һәм аларга таләпләр турында тулырак мәгълүмат белән сылтама буенча һәм 8(843)211-68-62 телефоны аша танышырга мөмкин.