Ведомствоара рейд – социаль иминлексезлекне профилактикалау
«Исток-Башлангыч» комплекслы үзәгенең социаль эш буенча белгече, опека һәм попечительлек секторы, балигъ булмаганнар эшләре һәм аларның хокукларын яклау комиссиясе белгече, балигъ булмаганнар арасында гаилә иминсезлеген һәм хокук бозуларны профилактикалау буенча инспектор, район үзәк хастаханәсе психологы, мәгариф идарәсенең тәрбия эше буенча методисты составындагы ведомствоара эш төркеме социаль куркыныч хәлдә булган, шулай ук балигъ булмаганнар эшләре буенча бүлекчәдә исәптә торучы гаиләләргә гаиләләргә ведомствоара рейд оештырылды.
Рейдта катнашучылар 11 гаиләдә булды, аларда 19 балигъ булмаган бала тәрбияләнә. Гаиләләргә баруның максаты балигъ булмаганнарның яшәү шартларын тикшерү; ата-аналарга һәм законлы вәкилләргә балалар хокукларын үтәү зарурлыгы турында хокукый мәгълүмат бирү иде.
Яшәү урынында балигъ булмаганнар һәм аларның ата-аналарына профилактика эшләре, хокукый һәм социаль мәсьәләләр буенча консультатив ярдәм күрсәтелде. Ата-аналар шулай ук сәламәт яшәү рәвеше алып баруга, спиртлы эчемлекләрне чиктән тыш күп куллануга юл куймауга һәм лаеклы яшәү рәвеше алып баруга омтылалар.
Гаилә әгъзаларына урамда һәм өйдә үз-үзләрен куркынычсыз тоту турында искә төшерделәр, көнкүреш электр приборларыннан, газ җиһазларыннан файдаланганда янгын куркынычсызлыгы кагыйдәләрен үтәү буенча инструктаж үткәрелде.