Лениногорск нефть техникумы укытучысы һөнәри осталык республика конкурсында призлы урын яулады
Татарстан Республикасында урта һөнәри белем бирү системасының педагогик хезмәткәрләре арасында «Ел остасы» 2025 Бөтенроссия конкурсының төбәк этабы тәмамланды.
"Лениногорск нефть техникумы" ДАҺБУнең махсус фәннәр укытучысы Гурьянов Алексей Анатольевичны һөнәри осталык буенча республика конкурсында 2 урын алуы белән котлыйбыз!
"Бу конкурс ел саен үткәрелә. Шунысы сөендерә, елдан – ел анда һөнәри белем бирү системасы укытучылары һәм производствода белем бирү осталары күбрәк катнаша, өстәвенә, стажлы гына түгел, ә яшьләр дә катнаша», - дип белдерде ТР Мәгариф һәм фән министры Илсур Һадиуллин.Ул быел конкурска республиканың 56 көллияте һәм техникумыннан 136 укытучы һәм производствода белем бирү осталары килүен өстәде.
Финалга 15 педагог чыкты. Конкурс сынаулары вакытында алар дәресләр, мастер-класслар үткәрделәр һәм кейслар чиштеләр.
Конкурс 7 февральдән 31 мартка кадәр узды. Ул көллият һәм техникумнарның талантлы һәм инициативалы осталарын ачыклауга һәм бүләкләүгә, урта һөнәри белем бирү системасының алдынгы педагогик тәҗрибәсен таратуга юнәлдерелгән.