Әлмәт шәһәрендә «Татнефть» ГАҖ компаниясе хезмәткәрләре өчен бөер синдромы белән геморрагик бизгәк (ГЛПС)профилактикасы мәсьәләләре буенча семинар үткәрелде
Татарстан Республикасы буенча Роспотребнадзор идарәсенең Әлмәт территориаль бүлеге инициативасы белән 20 февральдә югары нефть мәктәбе базасында бүлек башлыгы И.В. Хәйруллина «Татнефть» җәмгыяте хезмәткәрләре өчен бөер синдромы белән геморрагик бизгәк (ГЛПС) профилактикасы мәсьәләләре буенча семинар үткәрде.
Семинарда катнашучылар 2023 ел белән чагыштырганда 2024 елда авырулар буенча эпидемиологик вәзгыять белән таныштылар. Хәйруллина И.В. инфекция резервуары булып кимерүчеләр торуын һәм кешегә йоктыруның төп механизмы һава-тамчылы һәм һава-тузан юлы белән аспирацион (аэроген) механизм булуын җентекләп сөйләде.
Кимерүчеләр бүлендекләре белән пычранган суны һәм продуктларны кулланганда йогышлы авыруны йоктыруның механизмы, шулай ук зарарланган тире, авыз, күз, борын лайлалы тышчасы аша яки җәнлек тешләгәндә төкерек белән контактта йогышлы авыруны йоктыруның контакт механизмы булырга мөмкин. Эшләү һәм яшәү өчен санитария-гигиена шартларын үтәү, дератизация, дезинфекцияләү профилактик чараларын вакытында үткәрү, шәхси гигиена кагыйдәләрен үтәүнең мөһимлеге турында искәртте.
Очрашу форматы акрынлап әңгәмә формасына күчте. Катнашучылар вируска зарарлы тәэсир итә торган дезинфекцияләү чаралары белән кызыксындылар, бинада һәм ачык территориядә урып-җыюга таләпләр турында сорадылар.
Очрашуда катнашучыларның барлык сорауларына да җаваплар бирелде. Семинарда 126 кеше катнашты.