Лениногорскида Золотухиннар гаиләсе алтын туйларын билгеләп үтте Тулырак: https://zamansulyshy.ru/news/jemgyiyat/leninogorskida-zolotuxinnar-gailase-altyn-tuilaryn-bilgelap-utte

2024 елның 19 августы, дүшәмбе

Лениногорск ЗАГС бүлегендә Фәния Әхмәдулла кызы белән Владимир Иванович Золотухиннарны алтын туйлары белән тәбрикләделәр.

Алар 1974 елның 16 августында гаилә кора. Инде менә алтын туйлары, бергә иңне-иңгә куеп яшәүләренә дә 50 ел тулды. 

50 еллыкны алар ЗАГС бүлегендә үткәрергә булганнар һәм тантаналар залына  «Мендельсон маршы» музыкасы белән керделәр, Юбилярларның мактау китабына кул куйдылар. Туганнары, якыннары һәм дусларыннан котлау сүзләре яңгырады. 

Шулай ук, юбилярларны котларга «Беркут» хәрби-патриотик клубына йөрүче егетләр дә килгән иде. Владимир Иванович лаеклы ялдагы подполковник, ләкин яшьләрне тәрбияләү буенча иҗтимагый эшен дәвам итә.

ЗАГС хезмәткәрләре Золотухиннар гаиләсенә никахлашу турында юбилей таныклыгы тапшырды, аларга сәламәтлек, озын гомер һәм иминлек теләде.