Эшкә сәләтсезлек электрон кәгазе ничек түләнә
Вакытлыча эшкә яраксызлык буенча Пособие рәсми рәвештә эшкә урнашкан яисә социаль иминиятләштерүгә иминият кертемнәрен үз теләге белән түләгән гражданнарга Татарстан Республикасы буенча СФР бүлегенә хезмәткә яраксызлык электрон кәгазе (ЭЛН) нигезендә билгеләнә.
ЭЛН хезмәткәр авырган очракта, шулай ук аның гаиләсенең эшкә сәләтсез әгъзасын, мәсәлән, баланы карау кирәк булганда медицина учреждениесе тарафыннан рәсмиләштерелә.
Хастаханә кәгазен шулай ук хатын-кызга йөклелек һәм бала табу буенча отпуск чорына рәсмиләштерәләр. Хастаханә кәгазе ачылу, аның озайтылуы, ябылуы һәм түләү күләме турындагы мәгълүматларны Татарстан халкы дәүләт хезмәтләре порталындагы шәхси кабинетында күзәтә ала.
Хезмәткәр авырганда, эш бирүче авыруның беренче 3 көнен, ә калганнарын Татарстан Республикасы буенча СФР бүлеге түли. Әгәр хезмәткәр гаиләнең авыру әгъзасын карый, карантинда тора, протезлау уза яки шифаханәдә дәвалана икән, пособие СФР төбәк бүлеге акчалары хисабына беренче көннән үк түләнә.
Пособие күләме иминият стажына, хезмәт хакы күләменә бәйле һәм уртача хезмәт хакының процентына тигез.
Уртача хезмәт хакы алдагы ике ел эшләү өчен исәпләнә. Аңа бәйле рәвештә түләүләр күләме: - стаж 8 елдан артык булганда-100% - 5 елдан алып 8 елга кадәр стаж булганда-80% - стаж 5 елдан кимрәк булганда-60%
2024 елда Хезмәткә сәләтсезлекнең бер көнендә хезмәткәр максималь рәвештә 4 039,73 сумга кадәр алырга мөмкин.