Лениногорскида балаларга гаилә турында сөйләделәр

2024 елның 25 июле, пәнҗешәмбе

Лениногорск ЗАГС бүлеге хезмәткәрләре мәктәп яны лагерына йөрүче балалар белән очрашулар оештырып кына тора.

Бүген дә алар балалар сәнгать мәктәбенең мәктәп яны лагерына йөрүче балалар белән очрашу үткәреп, аларга Гаиләнең килеп чыгышы, аның кеше тормышындагы роле, мөһимлеге турында сөйләшү үткәрде. 

Шулай ук, балаларга яшь парларның ничек мөнәсәбәтләрен рәсмиләштерүләре, аны теркәү тантанасы ничек узуы, озак еллар бергә яшәү, балаларыңны намуслы кеше итеп тәрбияләү никадәр мөһим булуы турында сүз алып барды алар. 

Балалар гаилә турында мәкаль-әйтемнәр әйтте, аларның мәгънәсен ничек аңлаулары белән уртаклашты. Гаилә темасына багышланган дәрес күңелле һәм истә калырлык булды.