КЧС утырышында су басуга һәм янгынга каршы махсус чорга әзерлек турында фикер алыштылар
Бүген мэриянең утырышлар залында район Башкарма комитеты җитәкчесе Зөлфия Михайлова рәислегендә гадәттән тыш хәлләр буенча комиссия утырышы узды.
Комиссиядә катнашучылар Лениногорск районы территориясендә су басуга каршы чаралар үткәрүгә әзерлек, янгын куркынычлы чорга тәэмин итү буенча профилактика чараларын гамәлгә ашыру мәсьәләләре буенча фикер алыштылар.
Беренче мәсьәлә белән Лениногорск районы буенча гадәттән тыш хәлләр министрлыгы бүлеге начальнигы Сергей Мостов чыгыш ясады.
"Су басуның башлануы апрельнең беренче декадасында фаразлана. Лениногорск районы территориясендә язгы ташкын вакытында мөмкин булган гадәттән тыш хәлләрне бетерү өчен көчләр һәм чаралар төркеме булдырылды: шәхси состав - 151 кеше; техника -62 берәмлек, шул исәптән янгын сүндерү техникасы - 6 берәмлек һәм башкалар», - дип билгеләп үтте Сергей Мостов.
Лениногорск районында янгын хәле турында РФ Гадәттән тыш хәлләр министрлыгының ТР буенча ГУ ГПС ФПС 11 ПСО 66 ПСЧ начальнигы Алексей Быков хәбәр итте.
Утырышта күп балалы гаиләләр, ялгыз өлкән яшьтәге гражданнар, авыр тормыш хәлендә калган имин булмаган гражданнар белән көнкүрештә һәм газ җиһазларын кулланганда янгын куркынычсызлыгы чаралары буенча профилактик эш алып баруга аерым игътибар бирергә кушылды.
Шулай ук торак пунктларда янгынга каршы су белән тәэмин итүнең тышкы чыганакларын (янгын гидрантларын һәм резервуарларын) тикшерү һәм алар төзек булмаган очракта эшчәнлекне тәэмин итү күрсәтмәсе бирелде.