Мәдәният сараенда Ватанны саклаучылар көне алдыннан ир-атларны хөрмәтләделәр
Бүген Мәдәният сараенда Ватанны саклаучылар көненә багышланган бәйрәм концерты узды.
Лениногорск районы башлыгы Рәгать Хөсәенов бәйрәм концертында катнашучыларга сәламләү һәм котлау сүзләре белән мөрәҗәгать итте.
Чыгыш ахырында район башлыгы Ватанны саклаучыларның барысына да хезмәтләре өчен рәхмәт белдерде һәм аларга нык сәламәтлек, бәхет һәм иминлек теләде.
Мәдәният сарае иҗат коллективларының һәм солистларының концерт номерлары чараның тантаналы булуын ассызыклады. Сәхнәдән Ватанны саклаучыларга хөрмәт һәм Ватанга мәхәббәт белдерүче җырлар һәм шигырьләр яңгырады, тамашачылар алкышлар белән артистлар башкаруындагы дәртле биюләрне сәламләделәр, һәм, әлбәттә, патриотизм һәм бәйрәм рухы хөкем сөргән бәйрәм концертының гомуми эмоциональ атмосферасы бер генә тамашачыны да битараф калдырмады.