Лениногорск мәктәп укучыларына Россиянең пенсия системасы турында сөйләделәр
Лениногорск районындагы социаль Фонд белгечләре шәһәрнең мәгариф учреждениеләре укучылары өчен пенсия грамоталылыгы дәресләре циклын тәмамладылар.
Лениногорск районындагы социаль фонд бүлекчәсенең клиентлар хезмәте хезмәткәрләре укучы яшьләрнең пенсия грамоталылыгын актив күтәрүне дәвам итә. Узган атнада 10 нчы, 7 нче урта гомуми белем бирү мәктәбенең, 11 нче гимназиянең, 12 нче лицейның өлкән сыйныф укучылары өчен ачык дәресләр узды.
Беренче эш итеп, фонд хезмәткәрләре мәктәп укучыларына төп пенсия мәсьәләләре буенча «Киләчәк пенсия турында барысы да: уку һәм тормыш өчен» дигән уку әсбабы тәкъдим иттеләр, аны РФ Социаль фонды ел саен яңадан бастыра. Социаль Фонд белгечләре Россия Пенсия системасының ничек оештырылуы һәм киләчәк пенсияне ничек дөрес формалаштырырга кирәклеге турында сөйләделәр. Шунысын да билгеләп үтәргә кирәк, укучы яшьләргә мәгълүмат бирү киләсе елда да дәвам итәчәк.
Балаларга СФР символикасы һәм пенсияләрне формалаштыру буенча киңәшләр белән календарьлар таратыла.