Лениногорскида җәмәгать тәрбиячеләре билгеләнде
22 декабрьдә Лениногорск районының балигъ булмаганнар эшләре һәм аларның хокукларын яклау комиссиясенең чираттагы утырышында Лениногорск районының «Исток – Башлангыч» комплекслы социаль хезмәт күрсәтү үзәгенең гаиләгә һәм балаларга социаль ярдәм бүлекчәсенең өч белгеченә җәмәгать тәрбиячесе таныклыгы тапшырылды.
Алар хокук бозулар кылган һәм балигъ булмаганнар эшләре бүлегенә исәпкә куелган өч балигъ булмаганнарга остаз итеп билгеләнәләр. Кабат хокук бозуларны профилактикалау һәм булган зарарлы гадәтләрне бетерү буенча зур эш башкарылачак. Балигъ булмаганнар яшәгән гаиләләрнең социаль паспортлары төзелде, индивидуаль социаль реабилитация программаларын гамәлгә ашыру буенча чаралар планнары билгеләнде.
Белгечләр тәҗрибәсе, гаиләнең һәр әгъзасына индивидуаль якын килү һәм төрле эш формаларын куллану ярдәмендә балигъ булмаганнарда аралашу, тәртип, хокукый аң һәм хокукый җаваплылык күнекмәләрен формалаштыруда уңай нәтиҗәгә ирешелер дип ышанабыз.