Конституция көнендә яшь лениногорскилыларга паспортлар тапшырылды
Бүген, 12 декабрьдә, Россия Федерациясе Конституциясе көнендә, ЗАГС бүлегендә 16 яшь лениногорскилыга тантаналы рәвештә паспортлар тапшырдылар.
Лениногорск районы яшьләренә сәламләү сүзләре белән район Башкарма комитеты җитәкчесенең социаль мәсьәләләр буенча урынбасары Гөлнара Вагизова мөрәҗәгать итте.
"Сезне икеләтә бәйрәм белән котлавыма шатмын! Россия Федерациясе Конституциясе көнендә паспорт алу-дулкынландыргыч вакыйга. Бу документ сезгә хокуклар гына түгел, ә туганнарыгыз һәм якыннарыгыз, дәүләт һәм җәмгыять алдында зур җаваплылык та бирә, - дип билгеләп үтте Гөлнара Вагизова. Ул шулай ук барысына да бәхет, сәламәтлек һәм иминлек теләде.
Әлеге мизгелнең мөһимлеген һәм тантаналылыгын уртаклашырга яшь гражданнарның әти-әниләре һәм туганнары килгән иде.