Лениногорскида эшкуарларны күчмә кабул итү булды

2023 елның 8 декабре, җомга

Бөтенроссия эшкуарларны кабул итү көне кысаларында Лениногорск шәһәр прокуроры Алексей Панишев үз урынбасары белән сәнәгать мәйданчыкларында гражданнарны кабул итте.

Күзәтчелек ведомствосы вәкилләренә 5 бизнес вәкиле мөрәҗәгать итте. Аларның мәсьәләләре хезмәт һәм җир законнары таләпләрен үтәүгә, шулай ук торак-коммуналь хуҗалык өлкәсенә кагылган.

Әңгәмә барышында күзәтчелек ведомствосы вәкилләре гражданнарга гамәлдәге законнар нормаларын, шул исәптән бозылган хокукларны хокукый яклау механизмнарын җентекләп аңлаттылар.