"Бердәм Россия" конкурс үткәрә
Конкурс 2023 елның 1 октябреннән 25 ноябренә кадәр онлайн-тест рәвешендә үткәрелә. Ул РФ Конституциясе текстының белемнәрен тикшерә һәм 10 сораудан тора, тестны узуга 10 минут бирелә. Үтү тәмамлангач, электрон сертификат формалаша, ул күрсәтелгән электрон почта адресына килә.
Йомгак ясау 30 ноябрьгә кадәр узачак, җиңүчеләрне бүләкләү декабрьдә узачак. 18 яшькә җиткән Россия Федерациясенең теләсә кайсы гражданы катнаша ала. Җиңүчеләр исемлеге сайтта урнаштырылачак.
Искәртеп узабыз, конкурсның приз фонды 1 500 000 сум тәшкил итә, 10 җиңүче каралган.
Конституция-төп дәүләт законы. Иң югары юридик көчкә ия булганга, ул җәмгыять һәм дәүләт арасындагы мөнәсәбәтләрне көйләүне тәэмин итә һәм илнең дәүләт төзелешен билгели. Конституцияне белү илнең һәр гражданы өчен мөһим.