2024 елдан 17 яшькә кадәрге балаларга һәм йөкле хатын кызларга бердәм пособие күләме артачак
2024 елдан балаларга бердәм пособие һәм башка социаль түләүләр билгеләү һәм түләү өчен яңа яшәү минимумнары кулланылачак. Категорияләр буенча расланган яшәү минимумнары турындагы карар республика Хөкүмәте тарафыннан расланган.
Әйтик, Татарстанда җан башына яшәү минимумы киләсе елдан 12 219 сумнан 12 966 сумга кадәр артачак. Эшкә яраклы халык өчен 13 319 сумнан 14 133 сумга кадәр. Пенсионерлар өчен-10 508 сумнан 11 151 сумга кадәр. Балалар өчен төбәктә яшәү минимумы 12 577 сум дип расланган.
Яңа саннарны исәпкә алып, киләсе елдан 17 яшькә кадәрге балаларга һәм йөкле хатын-кызларга бердәм пособие күләме артачак. Аерым алганда, балага бердәм пособие күләме 6288,50 сумнан алып 12 577 сумга кадәр тәшкил итәчәк.12 атнага кадәр йөклелекне исәпкә алган хатын-кызларга бердәм пособие база күләменнән алып 7066,50 сумнан алып 14 133 сумга кадәр тәшкил итәчәк. Социаль ярдәм чараларына хокук җан башына яшәү минимумыннан 12 966 сумнан түбән керемле һәм билгеләнгән норма чикләрендә мөлкәте булган гаиләләргә бирелә ала.
Исегезгә төшерәбез, бала туу һәм тәрбияләү буенча айлык пособие 2023 елның 1 гыйнварыннан кертелде һәм балалы гаиләләргә һәм йөкле хатын-кызларга бирелә торган биш социаль ярдәм чарасын берләштерде.
Гариза дәүләт хезмәтләре порталында бирелә