Лениногорскиның мактаулы гражданы Александр Платонович Верхозин 95 яшьлек юбилеен билгеләп үтте
Лениногорскиның мактаулы гражданы Александр Платонович Верхозин үзенең 95 яшьлек юбилеен билгеләп үтте.
Ул Казахстанның Молотов районы Петровка авылында туган. Мәктәпне 1943 елда тәмамлый, җиде еллык белем ала. Шул ук елны аның әтисен сугышта үлә.
1943 елның сентябрендә Александрны хисапчы итеп эшкә алалар, соңрак комсомол аны ат фермасы бригадасына хисапчы итеп җибәрә. Шуннан соң армиядә хезмәт итә.
Татарстанда зур нефть чыгара башлагач, аның төзелеш батальонын 1950 елның көзендә Яңа Писмәнгә, җибәрәләр.
Армиядә ул 7 ел хезмәт итә. Аннары Лениногорскка күченеп килә. «Лениногорскнефтестрой»тресының төзелеш механизациясе базасында мастер булып эшкә урнаша. 5 елдан соң аны өлкән прораб итеп билгелиләр.
Ул елларда Лениногорскта грандиоз төзелеш алып барыла, параллель рәвештә төзекләндерү эшләре бара, шәһәр төзелеш кадрлары җитмәвен сизә, аңа аларны әзерләү белән үзенә шөгыльләнергә туры килә.
Ул 40 елдан артык Лениногорскны төзекләндерә. 20 ел дәвамында ул «Строймеханизация»тресының төзелеш участогы начальнигы булып эшли. 1981-1995 елларда Александр Верхозин «Татнефтегазстрой» җитештерү берләшмәсенең «Строймеханизация»тресының төзелешне механизацияләү идарәсен (УМС-10) җитәкли. Александр Платонович җитәкчелегендәге коллектив күп кенә шәһәр объектларын төзүдә катнаша.
УМС-10 хезмәткәрләре төзелә торган йортлар, социаль-мәдәни тормыш объектлары, шәһәрдә дә, авылда да мәктәпләр һәм балалар бакчалары өчен фундамент төзиләр. Алар шәһәрдә һәм районда йөзләгән километр асфальт һәм вак таш юллар салганнар. Моннан тыш, нефть объектларын төзекләндерү буенча эш башкарыла. Александр Платоновичның районны газлаштыруга да керткән өлеше зур.
Тормыш иптәше Татьяна Степановна белән алар 65 ел бергә яшиләр, ике бала үстерәләр, аларның дүрт оныгы, алты оныкчыгы бар.
Юбилярны шәһәр җитәкчелеге исеменнән шәһәр Башлыгы урынбасары Гөлфирә Рафикова котлады. Ул аңа сәламәтлек һәм тыныч күк йөзе теләде, шулай ук бүләк һәм РФ Президенты В.В. Путинның шәхси котлавын тапшырды.