Өч һәм аннан да күбрәк баланың әниләре вакытыннан алда пенсиягә чыгарга хокуклы
Бүген Татарстан Республикасы буенча Россия Федерациясенең Лениногорск районындагы клиентлар хезмәте 400 күп балалы хатын-кызга вакытыннан алда пенсия түли.
2023 елдан өч бала тапкан һәм тәрбияләгән хатын-кызлар картлык буенча вакытыннан алда пенсия ала ала. Исегезгә төшерәбез, быел 31.12.2018 елга гомуми билгеләнгән пенсия яшенә (55 яшь хатын-кызлар өчен һәм 60 яшь ир-атлар өчен) ирешкән гражданнар өчен пенсия яше 5 елга арта һәм хатын-кызлар өчен 60 яшь тәшкил итә. Өч баласы булган хатын-кызлар пенсиягә 57 яшьтә, ягъни гадәти пенсионерларга караганда 3 яшькә иртәрәк чыга ала. Элегрәк, 2020-2021 елларда, дүрт бала тәрбияләгән күп балалы әниләргә вакытыннан алда пенсиягә чыгу отышлырак булган, чөнки алар өчен 56 яшь билгеләнгән. Биш бала анасына пенсия 50 яшьтә билгеләнә.
"Быелдан башлап, федераль законнардагы үзгәрешләр аркасында, вакытыннан алда пенсия билгеләү өчен өч бала тәрбияләгән әниләр актив мөрәҗәгать итә. Республикада андый хатын-кызлар шактый күп. Әмма, искәртеп узам, пенсия яшенә җитүдән тыш, пенсияне вакытыннан алда билгеләү хокукын алу өчен, 15 ел иминият стажын эшләп чыгарырга, ким дигәндә 25,8 пенсия коэффициентын эшләп алырга, 8 яшькә кадәрге баланы тәрбияләргә, шулай ук ата-ана хокукыннан мәхрүм ителмәскә кирәк», – дип сөйләде ТР СФРНЫҢ Лениногорск районындагы клиент хезмәте урынбасары Гөлназ Сираева.
✅ Инвалид баланың ата-аналарының берсе лаеклы ялга вакытыннан алда чыга ала. Пенсия баланың әнисенә 50 яшьтә яки әтисенә 55 яшьтә билгеләнә ала. Лениногорск районында бу хокуктан 89 кеше файдаланган