23 июньдә эшкә урнашу буенча Бөтенроссия ярминкәсе узачак

2023 елның 13 июне, сишәмбе

23 июньдә “Россия эше. Мөмкинлекләр вакыты” Бөтенроссия ярминкәсенең федераль этабы старт ала. Лениногорскида эшкә урнашу ярминкәсе Мәшгульлек үзәге мәйданчыгында узачак. Адресы: Гагарин урамы, 51нче йорт.

Чара 10.00 сәгатьтә башлана.

Лениногорск муниципаль районы оешмалары белән беррәттән ярминкәдә «Римера-Алнас» җәмгыяте (Әлмәт шәһәре) онлайн-форматта катнашачак.

Эшкә урнашу ярминкәсенә килүчеләр вакансияләр турында беләчәк. Шулай ук:

• предприятиеләрнең карьера мөмкинлекләре һәм аларның социаль программалары турында мәгълүмат алачак.
• кыска вакытлы бушлай курслар узу һәм яңадан укытуга язылу мөмкинлеге турында беләчәк.

Ярминкәдә катнашу – буш вакансияләр турында күбрәк белү, әңгәмәгә яхшырак әзерләнү һәм эш алу мөмкинлекләрен арттыру мөмкинлеге.

Белешмәләр өчен телефоннар: : (85595) 5-59-07, 5-58-94, 6-08-50.