Лениногорск районында "Демография" милли проектын тормышка ашыру
24 майда «Демография» милли проектын тормышка ашыру кысаларында Лениногорск районының «Исток - Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсенең социаль эш буенча белгече Снежанна Горбунова тарафыннан «Социаль контракт: яңа мөмкинлекләр»дигән темага традицион мәгълүмат сәгате оештырылды.
Әлеге чараның максаты: «Демография» милли проекты кысаларында Татарстан Республикасында каралган социаль ярдәм чаралары турында гражданнарны мәгълүматлаштыру.
Мәгълүмати-аңлату эшләре барышында мәгълүмат сәгатендә катнашучыларга, әгәр җан башына уртача керем Татарстан Республикасында билгеләнгән яшәү минимумыннан түбән булса, социаль контракт нигезендә дәүләт социаль ярдәмен төзү шартлары турында аңлатмалар бирелде. Шулай ук катнашучылар белән социаль адаптация программасына керә алырлык чаралар, ягъни эшкә урнашу, шәхси эшкуарлык эшчәнлеген гамәлгә ашыру, үзмәшгульлек оештыру һәм гражданның авыр тормыш хәленнән чыгуына ярдәм итә алырлык башка чаралар турында сөйләштеләр.
Мәгълүмат сәгатендә катнашучылар әлеге очрашуда актив катнаштылар һәм барлык кызыклы сорауларга җаваплар алдылар.