Лениногорск яшьләре белән ТР Рәисенең ярдәмчесе Тимур Сөләйманов очрашты
Бүген Лениногорскида Татарстан Республикасы Рәисенең ярдәмчесе, Татарстан Республикасында «Алдынгылар хәрәкәте» гомумроссия иҗтимагый-дәүләт балалар һәм яшьләр хәрәкәтенең төбәк бүлекчәсе Советы рәисе Тимур Сөләйманов булды.
Мэриянең утырышлар залында яшьләр активистларының Тимур Сөләйманов һәм район Башкарма комитеты җитәкчесе урынбасары Владимир Друк белән очрашуы узды.
Тимур Җәүдәт улы хәрәкәтнең максатлары, принциплары һәм кыйммәтләре, оешманың нәрсә белән шөгыльләнәчәге турында сөйләде.
"Алдынгылар хәрәкәтенең бурычы - гамәлдәге балалар оешмаларының потенциалын берләштерү һәм системалаштыру, аларны саклап калу һәм арттыру», - дип билгеләп үтте ул.
Очрашу ахырында балалар "Алдынгылар хәрәкәте" эшчәнлеге белән бәйле сораулар бирделәр.
Район Башкарма комитеты җитәкчесе урынбасары Владимир Друк егетләргә һәм кызларга активлыклары өчен рәхмәт белдерде һәм яңа хәрәкәткә кушылырга теләде.
Мондый очрашу мәктәпләр, колледжлар директорлары, яшьләр сәясәте өлкәсе, иҗтимагый оешмалар җитәкчеләре белән дә узды, анда Тимур Сөләйманов «Алдынгылар хәрәкәте»эшенең төп принципларын аңлатты.