Лениногорск районында сыерлар рекорд куя

2022 елның 25 мае, чәршәмбе

«Август-Лениногорск» агрофирмасының «Сережкино» фермасында май аенда савым буенча Саманта сыеры моңарчы күрелмәгән рекорд куйган.  4,5 еллык голштинка тәүлегенә уртача 60 литрга кадәр сөт бирә.

Ә «Ялтау» фермасындагы 5 яшьлек Маруся соңгы ай дәвамында 53 литр күләмендә уртача тәүлеклек нәтиҗә күрсәтә.

«Август-Лениногорск»та 30 сыер тәүлегенә 40 литрдан артык сөт бирә.

Терлекчеләр билгеләп үткәнчә, уңышның нигезе-баланслы туклану һәм сыер саву эшенең сыйфатлы башкарылуы. Моннан тыш, ясалма орлыкландыру белән озак вакытлы эшләү, токымлылыкны яхшырту да сизелерлек нәтиҗәләр китерә.