Район башлыгы Рәгать Хөсәенов 11 нче гимназиядә Соңгы кыңгырау бәйрәмендә катнашты

2022 елның 25 мае, чәршәмбе

Бүген 11 нче гимназияне тәмамлаучылар өчен соңгы кыңгырау чыңлады. 11 сыйныфны быел 17 укучы, 9 сыйныфны 53 укучы тәмамлый

Соңгы кыңгырау уңаеннан уздырылган тантаналы чарада муниципаль район Башлыгы Рәгать Хөсәенов, Мәгариф идарәсе җитәкчесе Вагыйз Санатуллин, мәктәпнең педагогик коллективы, укучылар һәм укучыларның әти-әниләре катнашты.

Район Башлыгы Рәгать Хөсәенов чыгарылыш сыйныф укучыларын котлады һәм аларга теләкләрен җиткерде. 

Чараның тантаналы өлешеннән соң унберенче сыйныф укучылары вальс биеделәр. Бәйрәм Соңгы кыңгырау белән тәмамланды.