Урман янгыннарына бәйле рәвештә атмосфера һавасының сыйфаты мониторингы турында
Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәт Россия Федерациясенең кайбер субъектлары территориясендә урман янгыннары вәзгыяте барлыкка килүгә бәйле рәвештә хәбәр итә.
Янгыннар зонасында урнашкан торак пунктларда атмосфера һавасының сыйфатын даими контрольдә тоту максатыннан, Роспотребнадзор территориаль идарәләре лаборатор базаның әзерлеген тәэмин итте һәм Иркутск, Курган, Кемерово, Томск, Омск өлкәләрендә, Хабаровск, Красноярск крайларында һәм Бурятия Республикасында атмосфера һавасының сыйфатына көндәлек оператив мониторинг оештырылды.
Хәзерге вакытта урман янгыннары зонасына эләккән торак урыннар территориясендә атмосфера һавасының сыйфаты гигиена таләпләренә туры килә.
Янгын зоналарында калган торак пунктларда атмосфера һавасы пробаларын көн саен сайлап алу белән атмосфера һавасының сыйфатын контрольдә тоту дәвам итә. Тикшеренүләр нәтиҗәләре турында мәгълүмат Роспотребнадзорның территориаль идарәләре сайтларында урнаштырыла.
Торак пунктларның төтен чыгу мөмкинлеге сакланып калу сәбәпле, Роспотребнадзорның территориаль идарәләре сайтларында яну продуктлары белән агулану куркынычын булдырмау буенча тәкъдимнәр урнаштырылган:
- мәктәпкәчә балалар учреждениеләрендә йөрү вакытын чикләү;
- физик йөкләнешне чикләү: спорт белән шөгыльләнү, ачык һавада физик эш;
- ачык һавада сулыш органнарын саклау чараларын куллану (медицина битлекләрен);
- биналарны даими рәвештә дымлы җыештыру.
Кискен авыру яки авыру симптомнары килеп чыккан очракта (ютәл, йокысызлык билгеләре барлыкка килгән очракта) табибка мөрәҗәгать итәргә кирәк.
Вәзгыять контрольдә тотыла.