Мэриядә оештыру киңәшмәсе узды
Бүген мэриянең утырышлар залында Лениногорск районында Җиңү Парадын үткәрү мәсьәләләре буенча оештыру киңәшмәсе узды.
Киңәшмәдә оештыру комитеты әгъзалары, хокук саклау органнары вәкилләре, нефть сәнәгате предприятиеләре, сәнәгать предприятиеләре, торак-коммуналь хуҗалык, транспорт предприятиеләре җитәкчеләре катнашты.
Лениногорск муниципаль районында 1941-1945 еллардагы Бөек Ватан сугышында Җиңүнең 77 еллыгына багышланган планлаштырылган мәдәни-массакүләм чаралар турында мәдәният идарәсе начальнигы Гөлнара Зарипова хәбәр итте.
«Үлемсез полк» акциясен үткәрү турында Яшьләр эшләре, спорт һәм туризм идарәсе начальнигы урынбасары Светлана Илюхина сөйләде.
9 май көнне 9 сәгатьтә "Мәңгелек ут" һәйкәле янында митинг булачак, 9. 30 да Җиңү Парады һәм «Үлемсез полк» йөреше була. Лениногорск туган якны өйрәнү музеенда иртәнге сәгать 10нан 15: 00гә кадәр ачык ишекләр көне. 10: 00 сәгатьтә Үзәк мәйданда кыр кухнясы, мастер-класслар оештырылачак.
Шулай ук бу көнне Түбән күлдәге амфитеатрда фильм күрсәтеләчәк, концерт программасы Бәйрәм салюты белән тәмамланачак.
Яз һәм Хезмәт бәйрәменә һәм Бөек Ватан сугышында Җиңүнең 77 еллыгына багышланган чаралар уздыру чорында гражданнарның җәмәгать тәртибен һәм куркынычсызлыгын тәэмин итүгә карата таләпләр турында полиция башлыгы урынбасары Андрей Иваньчин сөйләде.
Киңәшмәгә йомгак ясап, Лениногорск районы Башлыгы урынбасары Сергей Тимаков чакырылучыларның игътибарын алар алдына куелган бурычларны үтәүгә, бәйрәм чараларын тиешле дәрәҗәдә, хәвеф-хәтәрсез үткәрергә кирәклегенә юнәлтте.