Алкогольле һәм спиртлы продукциянең легаль булмаган әйләнешен кисәтү һәм булдырмау буенча ведомствоара комиссия
2022 елның 28 апрелендә район Башкарма комитеты җитәкчесенең икътисад буенча беренче урынбасары Иванова Гөлназ Альберт кызы рәислегендә Лениногорск муниципаль районы территориясендә алкогольле һәм спиртлы продукциянең легаль булмаган әйләнешен кисәтү һәм булдырмау буенча ведомствоара комиссия утырышы булды.
Утырышта ТР Дәүләт алкоголь инспекциясенең Әлмәт территориаль органы начальнигы Миләүшә Индус кызы Михеева, «Алкоторг «ҖЧҖ, "Белый Кремль" ААҖ вәкилләре һәм сәүдә предприятиеләре вәкилләре катнашты.
Лениногорск муниципаль районы Башкарма комитеты җитәкчесенең беренче урынбасары Иванова Гөлназ Альберт кызы 2022 елның март ае нәтиҗәләре буенча Лениногорск муниципаль районы буенча алкогольле продукция сату турында сөйләде.
2022 елның март ае йомгаклары буенча Лениногорск муниципаль районы буенча алкогольле продукция сату күләмнәренең кимүе турында Дәүләт алкоголь инспекциясенең Әлмәт территориаль органы начальнигы Миләүшә Михеева чыгыш ясады.
Шәхси эшмәкәрләргә федераль ярдәм чаралары буенча мәгълүмат җиткерелде.