Мэриядә терроризмга каршы комиссия утырышы узды
Бүген мэриянең утырышлар залында Лениногорск муниципаль районы Башлыгы, Лениногорск шәһәре мэры Рәгать Хөсәенов рәислегендә Лениногорск муниципаль районының террорчылыкка каршы комиссиясе утырышы узды. Утырышта комиссия әгъзалары, хокук саклау органнары вәкилләре, Совет һәм Башкарма комитет бүлекләре башлыклары һәм урынбасарлары, муниципаль учреждение җитәкчеләре, Лениногорск районы авыл җирлекләре башлыклары һәм башка җаваплы затлар катнашты.
«Яз һәм хезмәт бәйрәме, Бөек Ватан сугышында Җиңүнең 77 еллыгына багышланган чараларга әзерлек һәм үткәрү чорында террорчылык куркынычын булдырмау һәм мөмкин булган террорчылык актларының нәтиҗәләрен минимальләштерү һәм бетерү буенча өстәмә чаралар турында» доклад белән Россия Эчке эшләр министрлыгының Лениногорск районы буенча бүлеге башлыгы, полиция полковнигы Олим Отакулов чыгыш ясады.
Район Башкарма комитеты эшләре белән идарә итүче Марат Якупов массакүләм чаралар вакытында урамнарны ябу өчен йөк транспорты бүлеп бирү турында чыгыш ясады.
1 майда Лениногорскида 65 нче җиңел атлетика эстафетасы уздырыла, 500дән артык кеше катнашу планлаштырыла, чаралар 9.00 сәгатьтә башлана, 13.00 сәгатьтә төгәлләнә.
9 майда Лениногорскида Бөек Ватан сугышында Җиңүнең 77 еллыгын бәйрәм итү булачак, шулай ук «Үлемсез полк» йөреше узачак, берничә мең кеше тантаналы чараларда катнашачак, чаралар иртәнге сәгать 9да башланачак. Маршрутны ябу өчен 16 берәмлек йөк автотранспорты кирәк. Моннан тыш, тантананың үзәк мәйданында 21.00 сәгатькә кадәр барачак. Әлеге бәйрәм чараларында юлларны ябу өчен транспорт кирәк. Бу уңайдан, шәһәр предприятиеләренә һәм оешмаларына махсус транспорт бүлеп бирү буенча йөкләмә бирелде.
Имтиханнар, соңгы кыңгырау һәм чыгарылыш кичәләренә әзерлек һәм аны үткәрү чорында террорчылык янауларын булдырмау буенча өстәмә чаралар турында Мәгариф идарәсе начальнигы Вәгыйзь Санатуллин чыгыш ясады.
Утырышка йомгак ясап, Лениногорск районы Башлыгы Рәгать Хөсәенов Лениногорск районы территориясендә гадәттән тыш хәлләрне булдырмау буенча барлык кирәкле чараларны күрергә кирәклеген искәртте. Җирлек башлыкларына криминаль характердагы барлык очраклар турында хәбәр итәргә, күченеп килгән затлар турында хәбәр итәргә, үз территорияләрендә уяулыкны сакларга кирәк, диелде.
Тикшерелгән барлык мәсьәләләр буенча карарлар кабул ителде, халыкның иминлеген тәэмин итү буенча тиешле йөкләмәләр бирелде.